Веб страна на училиштето
08.04.2023 – На државниот натпревар по француски јазик “Олимпијада 2023” за III година, ученичката Елена Јорданова од III5 го освои третото место во категоријата Билингвални паралелки. Ментор: Драган Трпковски
Во рамките на маскенбалското дефиле своите групни и поединечни маски ги презентираа учениците од осмо и деветто одделение од основните училишта „Страшо Пинџур” и „Гоце Делчев” од Неготино, учениците од ООУ „Димче Ангелов Габерот” од Демир Капија како и учениците од нашето училиште СОУ „Св.Кирил и Методиј”. Беше организирана и забавна програма со музички перформанси како и со хумористични точки изведени од страна на учениците. За најдобрите маски од секое училиште, избрани од страна на жири комисијата, беа доделени интересни награди.
Ви благодариме за присуството и се надеваме дека создадовме спомени кои ќе останат запаметени!
Нашите ученици како дел од забавна програма на градскиот плоштад -„Маскенбал-2023г“
Честитки за вложениот труд, упорноста и постигнатите резултати на нашите ученици кои на регионалниот натпревар по Биологија одржан на 17.03.2023г. ги постигнаа следниве резултати:
?Елена Јорданова II награда;
?Анастасија Манчевa II награда;
– ментор Зорица Стојановска,
?Кирил Димитров III награда;
?Ивана Тимова III награда;
– ментор Валентина Манчева.
Честитки за учениците и нивните ментори и им посакуваме понатамошен успех на државниот натпревар.
Денес во нашето училиште СОУ ,,Св.Кирил и Методиј” – Неготино, го одбележавме 21 март, Светскиот ден на лицата со Даунов (DOWN) синдром.
Во вторникот на 14 март, Амбасадорот и Министерот за Образование и наука, г.Јетон Шаќири, потпишаа анекс на договорот за средните училишта со двојазични франкофонски паралелки, со цел дополнително зајакнување на овие исклучителни паралелки, во присуство на директорите на веќе засегнатите установи: средните училишта Орце Николов и Раде Јовчевски Корчагин во Скопје, Јосип Броз Тито во Битола, Гоце Делчев во Куманово и Кирил и Методиј во Неготино, како и средното стручно училиште Лазар Танев од Скопје.
Обележување на зимскиот ден со планинарска и еко-акција
По повод зимскиот ден, на 17.3. 2023 год. нашите ученици и професори реализираа планинарска акција на релација Калањево-Бела Вода-Делчев Рид, во соработка со ООУ ,,Димче Ангелов Габерот” – Демир Капија. На настанот земаа учество ученици и професори од двете училишта и денот беше исполнет со дружење во природа.
Во училиштето, пак, се одржа еко-акција со цел чистење на училишниот двор.
Овие две реализирани активности се со цел меѓуучилишна соработка, јакнење на спортскиот дух, грижа за природата и нашето училиштно опкружување.
Се надеваме дека ќе имаме уште многу убави поводи за дружба.
