Posted on

Донација од фабриката ,,Дрекслмајер”

Сакаме да упатиме огромна благодарност до фабриката ,,Дрекслмајер” од Кавадарци која во два наврати ја поддржа нашата работа и донираше 30 десктоп и 11 лаптоп компјутери.


Оваа донација значи поддршка во процесот на онлајн учење и ќе придонесе за непречено одвивање на образовниот процес, па затоа сме среќни што имаме вакви социјално одговорни претпријатија за наши пријатели. Ваквата поддршка нека го отвори патот и за понатамошна соработка и нека биде пример и за другите компании. Овие компјутери во голема мера ќе го унапредат образовниот процес во средното стручно образование, особено во електро-техничката струка.

 

 

 

 

 

 

 

Posted on

Работилница на тема „Медиумска писменост“

Елена Тимова и Јована Анѓелковска, ученичките коишто беа дел од тренингот за тренери на тема “Медиумска писменост”, одржаа три работилници на пеесетина ученици од прва до четврта година. Тие се обидоја да ги поттикнат своите соученици да бидат повеќе медиусми писмени. Дел од работилницата беше наменета за тоа како да се препознае една лажна вест, какви ефекти може да имаат медиумите врз нас и кои прашања треба да ги имаме на ум кога читаме една вест. Истата се заврши со практична вежба користејќи ја познатата реклама на брендот за газирани сокови “Пепси”.

 

Posted on

Распоред на часови

 Наставата за учебната 2020/2021 година ќе се одвива по следниот временски распоред:

                ПРВА СМЕНА                 ВТОРА СМЕНА
1 час      07.30-08.05                   13.00-13.35
2 час     08.10-08.45                    13.40-14.15
3 час     09.00-09.35                   14.30-15.05
4 час     09.40-10.15                     15.10-15.45
5 час     10.20-10.55                     15.50-16.25
6 час     11.00-11.35                       16.30-17.05
7 час     11.40-12.15                        17.10-17.45

Posted on

Демант на објавените информации во медиумите

Почитувани,
Поттикнати од некои неодговорни објави пред се на социјалните мрежи, ве информираме дека во однос на објавената вест во еден од медиумите  во однос на момчето на возраст од 16 години од Неготино кое е позитивно на корона вирус, според информациите од Центар за јавно здравје Кавадарци потврдено е дека истото е ученик во нашето училиште СОУ„Св.Кирил и Методиј“ – Неготино. Меѓутоа, пред објавување на информацијата во медиумот не се контактирани лицата кои се наведени во веста со цел утврдување на фактите и податоците и затоа чувствуваме етичка и морална одговорност да ве информираме дека по направените анализи и воспоставени контакти со класниот раководител и вработените во однос со активностите поврзани со дистрибуирање на податоците за корисничко име за најава на онлајн платформата е утврдено дека ученикот ги добил потребните информации за најава и користење на националната платформата за учење на далечина по електронски пат од страна на класниот раководител и истиот не бил присутен во просториите на училишниот објект.

Нашето училиште и сите вработени му посакувааат на ученикот побрзо оздравување!

Posted on

Честитки до ученичките за освоената втора награда на државниот натпревар по Биологија

Честитки за ученичките Верица Димитрова и Милена Камчева од билингвалната паралелка II5 (III5 во новата учебна година), за освоената втора награда на државниот натпревар по Биологија, под менторство на професорката Зорица Стојановска, кој оваа година се одржа по електронски пат (онлајн) на ден 25.09.2020 година.

Уште еднаш, искрени честитки за нашите ученички и им посакуваме понатамошен успех во нивното образование .
Posted on

Почеток на учебната година

Почитувани ученици и родители,

Учебната година започнува утре на 01.10.2020 година, онлајн според насоките и упатствата објавени на schools.mk за пристап на учениците. Утре на 01 Октомври наставата ќе се започне со одделенски час за сите ученици.

Им посакуваме успешен почеток на сите ученици и наставници.

Posted on

Известување за ново тестирање за онлајн наставата

Ве информираме дека наредното тестирање за онлајн наставата е закажано за утре(среда), во 11часот.


Тестирањето на функционалноста за онлајн часови се пренасочува од Платформата, директно кон порталот на Microsoft.

Пристапувањето е директно на порталот на Microsoft (portal.microsoftonline.com).


Детално упатство за чекорите за пристап, најава и креирање на онлајн час на Microsoft Teams на македонски и на албански јазик. може да ја сименете од https://schools.mk/

Posted on

Промоција на книга

На 23 септември 2020 година на Спомен-костурницата во Неготино се одржа промоција на новата збирка поезија од нашата колешка, Маја Којчева – Величкова, професорка по македонски јазик и литература. Маја долги години пишува, а нејзината прва промоција на книга се случи токму во нашата гимназија пред точно 18 години.

На промоцијата присуствуваше и професорката Љубица Златановска која оваа година отиде во пензија по 26-годишната плодна работа во нашата гимназија. Ние и сите генерации млади луѓе кои имале чест да бидат нејзини ученици ѝ благодариме за сиот вложен труд и љубовта кон мајчиниот јазик која таа им ја всади, а на колешката Маја ѝ посакуваме да продолжи по истиот пат и да биде исто толку успешна и сакана од учениците.