СОУ„Св.Кирил и Методиј“ – Неготино
Веб страна на училиштето
СОУ “Св. Кирил и Методиј” – Неготино по повод Патронатот на училиштето, распишува литературен конкурс на тема:
Посевот на браќата Кирил и Методиј го жнеат и денешните генерации
Личните творби ( проза и поезија) да се достават до комисијата во состав:
1.Сузана Стоева
2.Алекдандар Гичовски
3.Олгица Димитрова
Личните творби да се достават најдоцна до 19.05.2022.
Ви благодариме за соработката.
Драги ученици,ве известуваме дека од утре 28.04.2022 (Четврток) вратите на нашето училиште се отворени и ќе има настава. За учениците од селата превозот е обезбеден. Остануваат истите смени т.е за I и III година претпладне а II и IV година попладне. За учениците од I година кои се вклучени во ПИСА тестирањето,ве известуваме дека истото ќе се одржи на 29.04.2022 (Петок) од 09 часот. Учениците треба да бидат во училиштето во 08:30. Во прилог ви го даваме и соопштенитето за тестирањето.
Ристе Пенков I1 – III наградаЗдравко Јованов III5 – III награда
Емилија Костова III5 – II награда
На 2 април, на Републичкиот натпревар за спелување по француски јазик, акредитиран од МОН, втора година, учестуваа ученици од билингвалната и од општата гимназија. Ученичката Лилјана НОТКОВА од II1 го освои I место додека ученикот Тодор ДИМИТРОВ од II5 го освои III место. Нивен ментор е Драган Трпковски.
На натпреварот учествуваа вкупно 29 ученици а истиот се одржа на Филолошкиот факултет во Скопје.
Во рамките на шестмесечното претседавање на Франција со ЕУ, Француската амбасада во соработка со Францускиот Институт од Скопје организираше конференција на повеќе теми: Улогата на општеството во детектирањето на лажните вести, како да се спречат и како да се антиципира при појавите на говор на омраза, на сексуална, етничка или расна дискриминација на социјалните мрежи.
Настанот се случи во домот на културата во Прилеп а учесници беа г-от Н.Е. Амбасадорот Сирил Бомгартнер, г-от Претседател на Р. Северна Македонија Стево Пендаровски, француски и домашни експерти. На овој настан беа поканети неколку ученици од билингвалните паралелки коишто активно учестуваа во дебатата.
Заеднички ѝ се радуваме на пролетта и на новостите во нашето училиште. Под мотото ,,Ајде заеднички да го исчистиме новооградениот училишен двор” учениците и вработените во СОУ ,,Св. Кирил и Методиј”- Неготино, денеска реализираа еколошка акција, во која, секој по малку придонесе за разубавување на дворот и за подигнување на свеста за грижа за животната средина. Инаку, половина од средствата за изградба на оградата беа обезбедени од училишниот буџет, а половина беа обезбедени преку донација од народот на Соединетите Американски Држави, со поддршка од Европската команда на САД, Канцеларијата за одбранбена соработка и Американската амбасада во Скопје. Проектот беше реализиран во периодот април 2021 – февруари 2022 год. и им се заблагодаруваме на сите чинители кои активно беа вклучени во неговата реализација, бидејќи оградувањето е од исклучителна важност за нашето училиште. И за денот да биде уште поубав, денеска беа засадени и дрвца, кои ни беа подарени и за кои, исто така, се заблагодаруваме. Соработката носи поубава иднина за сите!
Францускиот јазик е јазикот на љубовта, зборуван од над 320 милиони франкофони низ светот.
По повод месецот на Франкофонијата, учениците од билингвалната паралелка III5 заедно со професорката по француски јазик Александра Илиева изработија цртежи, фотографии, цитираа поеми од познати француски поети под мотото ,,Францускиот јазик не зближува” ????
Организацијата ЕСТИМА и Францускиот Институт во Скопје доделија сертификати на професорите Драган Трпковски и Александра Илиева за успешно завршената соработка за проектот за Европската Унија во билингвалните паралелки.
На ден 14.03.2022 год. дел од ученичките од IV-9 клас, под менторство на професорките Маја Којчева – Величкова и Зорица Димовска реализираа едукативно-креативна работилница за женските права, познатите жени во историјата на човештвото и Емили Дикинсон, како и за тоа како се создава поезија. Гости на работилницата ни беа учениците од основните училишта ,,Гоце Делчев”, ,,Страшо Пинџур” и ,,Димката Ангелов – Габерот” од Демир Капија под менторство на професорките Александра Јованова, Нина Јовановска – Јакова и Нетка Богевска. На крајот учениците создадоа хамери со творби кои ќе ги красат ѕидовите од нашето училиште.
