Промоција на книга

На 23 септември 2020 година на Спомен-костурницата во Неготино се одржа промоција на новата збирка поезија од нашата колешка, Маја Којчева – Величкова, професорка по македонски јазик и литература. Маја долги години пишува, а нејзината прва промоција на книга се случи токму во нашата гимназија пред точно 18 години.

На промоцијата присуствуваше и професорката Љубица Златановска која оваа година отиде во пензија по 26-годишната плодна работа во нашата гимназија. Ние и сите генерации млади луѓе кои имале чест да бидат нејзини ученици ѝ благодариме за сиот вложен труд и љубовта кон мајчиниот јазик која таа им ја всади, а на колешката Маја ѝ посакуваме да продолжи по истиот пат и да биде исто толку успешна и сакана од учениците.

 

 

Известување

Почитувани ученици и родители,

Во вторник, во 10 часот ќе се организира задолжително тестирање (задолжителен пробен час) за сите училишта и сите ученици кои треба да посетуваат онлајн настава. Ова е исклучително важен чекор за тестирање на функционалноста на платформата.

Затоа е потребно Вие, наши ученици во договор со класните раководители во текот на утрешниот ден, понеделник,  да ги подигнете вашите податоци за најава на националната платформа за учење на далечина. Притоа, неопходно е од утре задолжително да ги проверувате своите е – маил адреси и да ги следете упатствата кои ќе ги добиете.

 

Упатство за ученици и за родители за најава и користење на националната платформа за учење на далечина

Известување до учениците од I3 (ОХА)

Известување

до учениците од I3, прва година гимназиско образование, Општествено – хумананистичко подрачје комбинација А

За проследување на адресите за ваше најавување како ученици на националната платформа за учење на далечина , Ве известуваме дека истите може да ги подигнете од вашиот класен раководител Сузана Стоева на ден 28.09.2020 година, понеделник во 12 часот во училишниот двор (пред главниот влез на училиштето).

Исто така е потребно да обезбедите информација до класниот раководител во врска со вашиот матичен лекар.

Класен раководител на I3,

Сузана Стоева

Честитки на ученичките за освоена прва награда на регионалниот натпревар по Биологија

Честитки за ученичките Милена Камчева и Верица Димитрова од билингвалната паралелка II5, за освоената прва награда на регионалниот натпревар по Биологија кој оваа година се одржа по електронски пат на ден 24.08.2020 година.
Уште еднаш, искрени честитки за нашите ученички и им посакуваме успех на Државниот натпревар .

Учество на конкурсот за средношколски есеи распишан од страна на Меѓународниот Славјански Универзитет “Г. Р. Державин”.

Покрај онлајн наставата, нашите ученици неуморно продолжија со своите активности. Неколку ученици од нашето училиште зедоа учество на конкурсот за средношколски есеи распишан од страна на Меѓународниот Славјански Универзитет “Г. Р. Державин”. Тие се здобија со уште едно позитивно искуство.

Ученичките Невенка Дишева, Емилија Сотировска и Камелија Митрова добија сертификати под менторство на професорката Снежана Ристова, ученичките Антонела Ставровска, Зорица Нацева, Јована Мечева и Радица Златева под менторство на професорката Маја Тефова и Елена Ефтимова и Милена Камчева под менторство на професорката Љубица Златановска.

Нивните есеи се дел од книгата “Средношколски размислувања 4” издадена од универзитетот. Со своите есеи имаа можност да ги искажат своите мисли за сите сфери од животот и да ги надоградат своите знаења.

Тренинг за медиумска писменост

Нашите ученички, Јована Анѓелковска и Елена Тимова, беа дел од тренингот за тренери на тема Медиумска писменост во рамките на „Хаштаг медиумска писменост“, којшто беше спроведен од Прогрес Плус. Истиот се одржа во Хотел „Бисер“, Струга од 4 до 6 септември.

Ученичките заедно со свои врсници од Кавадарци се стекнаа со вештини за едуцирање на тема медиумска писменост. Почитувајќи ги сите мерки за заштита за време на пандемија ги проследија сите интерактивни предавања.

Јована и Елена беа задоволни од овој тренинг и ќе се обидат стекнатото знаење да го пренесат на своите соученици кога ќе започне новата учебна година.

Јавен повик за доделување на признанието Успешни млади, претседател на Р. Северна Македонија

Би сакале да Ве информираме дека претседателот Стево Пендаровски објави повик за признанието „Успешни Млади“.

Признанието го доделува претседателот на Република Северна Македонија како поттик на научноистражувачката мисла и уметничката работа на младите во Република Северна Македонија.

Признанието се доделува за резултати постигнати во текот на 2019 година, во осум (8) категории:

  1. Најдобар/а млад/а научник/чка во општествените науки;
  2. Најдобар/а млад/а научник/чка во хуманистичките науки;
  3. Најдобар/а млад/а научник/чка во природно-математичките и техничките науки;
  4. Најдобар/а млад/а  научник/чка во медицинските науки;
  5. Најдобар/а млад/а иноватор/ка;
  6. Млад талент (за ученици и ученички од средните училишта);
  7. Признание за постигнат особен успех и за афирмација на инклузијата (за млади со попреченост);
  8. Најдобар/а млад/а уметник/чка.

Јавниот повик ги опфаќа сите лица што заклучно со 2019 година навршуваат 35 години, а кои постигнале значајни резултати во соодветната категорија, освен за шестата категорија (млад талент) за која можат да се пријават само ученици и ученички од средните училишта.

Право на учество имаат сите граѓан(к)и на Република Северна Македонија што ги исполнуваат наведените услови во објавениот повик. Потребните материјали заедно со биографија и со уверение за државјанство на Република Северна Македонија е потребно да се достават во еден печатен и еден електронски примерок (УСБ или wetransfer линк) до Кабинетот на претседателот на Република Северна Македонија или на uspesnimladi@president.mk, најдоцна до 18.09.2020 година.

За подетални информации, обратете се на следната мејл адреса: s.bukla@president.mk, и на телефонскиот број 070 409 181.

Се надеваме на интерес за конкурирање за сите категории наведени во објавениот повик.

Линк од повикот: https://pretsedatel.mk/uspesnimladi2019/?fbclid=IwAR3HojDiWJr4Nbb6gkRbwxScZEkfPcyjl-KuyrJs2Hoir2Utl4SXdBRclck