Posted on

Наградени творби по повод денот на осигурувањето

Агенција за супервизија на осигурување по повод денот на осигурување, 1 Ноември, распиша конкурс за учениците од средно образование со испраќање на литературна творба – расказ/есеј на зададена тема: ,,Важноста на осигурувањето за мене и мојата иднина,,.
Ученичката Матеа Ристова од I-2 под менторство на професорката по македонски јазик и литература Снежана Ристова учествуваше на овој конкурс и нејзината творба беше избрана меѓу трите најдобри творби наградени, и доделена и è парична награда. Честитки до ученичката и да и посакаме уште успеси.
Posted on

Учество на Еко камп во Охрид

Група ученици од нашето училиште под менторство на проф.Ѓорѓи Ристов изминатиов викенд учествуваше на еко камп во Хотел „Белви“ во Охрид заедно со Здружението на граѓани „Ековита. Исто така нашето училиште имаше уште една група учесници под менторство на проф. Александар Гичовски со Спотрскиот Клуб „Клисура“ од Демир Капија.

Учениците проследија предавања на неколку различни теми – родова еднаквост и поврзаноста со климатските промени, како од идеја да стигнат до видео приказна и како да ја искористат моќта на социјалните мрежи за застапување на своите иницијативи.

На еко кампот се одржаа и неколку панел дискусии со луѓе активни во еко активизмот.

На крајот се одржа натпревар во креирање на видео, на којшто учениците со проф. Ѓорѓи Ристов го освоија првото место, а пак втората група го освоија второто место.

Еко кампот беше организиран од Институтот за комуникациски студии во рамки на проектот Локална акција за подобри политики за заштита на животната средина (SHAPE), финансиран од Европскиот инструмент за демократија и човекови права.

 

Posted on

Летни училишни спортски игри

За првпат после ковид кризата се одржаа Летни училишни спортски игри во сите колективни спортови во Охрид, а во организација на Федерацијата на училишен спорт на Македонија.
Нашето училиште учествуваше со машка екипа во ракомет, и го освои првото место.
Posted on

СРЕЌЕН ПОЧЕТОК НА УЧЕБНАТА ГОДИНА

Драги средношколци и драги вработени во СОУ,, Св. Кирил и Методиј”- Неготино, денес за првпат по подолго време го слушнавме училишното ѕвонче и тоа разбуди радост и надеж кај сите нас. Да се надеваме дека набрзо ќе ѝ дојде и крајот и на оваа пандемија која влијае на нашите животи од март 2020 година.
Но, за конечно да се вратиме во нормала треба сите заеднички да останеме одговорни. Да покажеме дека нема да дозволиме ширење на вирусот, да носиме маски, да држиме растојание и да се дезинфицираме! Преку личен пример да дадеме свој придонес за училишниот џагор секојдневно да се слуша.
Среќен почеток на сите и многу успеси!
Posted on

Соопштение

Почитувани родители и ученици,
СОУ ,,Св.Кирил и Методиј“ – Неготино Ве известува дека наставната 2021/22 година ќе започне на 1 септември по следниот распоред:


1. Учениците од I и III година се прва смена на настава и приемот за истите ќе биде во 06:45ч со следниот распоред:
-за учениците од I година приемот ќе биде пред службениот влез на училиштето (влез 2) од страна на класните раководители и редарите во училиштето кои понатаму ќе ги упатат кон соодветните училници.
– за учениците од III година приемот ќе биде пред влезот за ученици (влез 1) од страна на класните раководители и редарите во училиштето кои понатаму ќе ги упатат кон соодветните училници.


2.Учениците од II и IV година се втора смена на настава и приемот за истите ќе биде во 12:45ч со следниот распоред:
-за учениците кои ќе следат настава во училниците со реден број 1, 2, 3, 4, 5, 6, 18, 19, 20, 22 и 23 влегуваат и излегуваат од влез 1 (влезот за ученици). Приемот ќе биде од страна на класните раководители и редарите во училиштето.
– за учениците кои ќе следат настава во училниците со реден број 7, 8, 9, 10, 11, 12, 14, 16 и 26 влегуваат од влез 2 (службен влез), а излегуваат на излезот за ученици кај спортската сала. Приемот ќе биде од страна на класните раководители и редарите во училиштето.


ВИ ПОСАКУВАМЕ СРЕЌЕН ПОЧЕТОК НА НОВАТА УЧЕБНА ГОДИНА!
Posted on

Феријална практика (хемиско-технолошка струка)

Учениците од прва и втора година (стручно образование) при СОУ„Св. Кирил и Методиј“ – Неготино и ова лето успешно ја реализираат феријалната практика во компаниите со кои се потпишани Меморандуми за соработка.

Феријалната практика во трањето од пет дена за учениците од прва година и десет дена за учениците од втора година се реализира во текот на месеците јуни, јули и август т.е по завршување на наставната година за време на летниот одмор на учениците.

Училиштето изразува огромна благодарност до овие компании за менторирањето на нашите ученици.

Во прилог фотографии од феријалната практика на учениците од хемиско-технолошка струка (профил:хемиски лабораториски техничар и прехранбен техничар) при нашето училиште во дел од компаниите.

ПЗУ Поликлиника ЖАНА - Биохемиска лабораторија

 

Шугар арт-Грозданка ДООЕЛ Неготино

 

Нутела Леон ДООЕЛ увоз-извоз Неготино

 

Posted on

Успехот на нашата Ивана Спасевска како мотивација за идните генерации

Ивана Спасевска од Неготино, своето средно образование го заврши во нашето училиште СОУ „Св.Кирил и Методиј“ – Неготино, со успех дипломира на Факултетот за генетика на Claude Bernard Lyon 1, подоцна магистрира на Ecole Normale Superiere на отсекот за Биомедицина и докторира на полето на Имуно-Онкологијата повторно на Claude Bernard Lyon 1.  Денес е веќе активно вклучена на полето на научно-истражувачката дејност во областа Имуно-Онкологија во Франција.

Нејзиното искуство за условите и можностите за студирање и работа во Франција може да го прочитате на следниов линк:

Ивана Спасевска -стурдирање и работа во Франција