Во текот на минатата недела од страна на претставник на здружението на винари на РМ по повод Св.Трифун беше оддржано предавање на тема ,,Македонија на светската винска сцена”.
Денес ја исполнивме пораката, парчињата облека кои можат да се употребат донирајте ги, старите текстилни парчиња рециклирајте ги! Нашето училиште СОУ ,,Св. Кирил и Методиј” во соработка со локалната заедница и Еко секцијата се вклучија во собирање и донирање на облека.
Од 1988 година, 1 декември е назначен од ООН како „Светски ден за борба против СИДА“, ден за сеќавање на важната борба против ХИВ и СИДА.
Поаѓајки од значењето на образованието во превенцијата од ХИВ/СИДА, во нашето училиште и оваа година беше реализирано здравствено-воспитно предавање од страна на претставници на Факултетот за медицински науки при Универзитетот ,,Гоце Делчев” – Штип, за одбележување на 1 Декември, како Светски ден на борбата против ХИВ/СИДА.
Европска недела за намалување на отпад
Да рециклираме за подобра иднина, за подобра средина ! Учениците од ЕКО секцијата во нашето училиште во соработка со локалната заедница се вклучија во делење на флаери за намалување на текстилниот отпад и отпадот од органско потекло.
** ПРЕХРАНБЕН ТЕХНИЧАР ** Дуална паралелка
Извршува лична подготовка и подготовка на работното место со примена на прописи и стандарди на работно место; оценува и контролира квалитет на суровини, полупроизводи, производи и амбалажа; управува со машини и опрема со помош на кои го води технолошкиот процес; следи, контролира и спроведува одредени технолошки операции во прехранбената индустрија и спроведува внатрешна контрола, спроведува добра хигиенска и производна пракса. Со стекнување на квалификацијата, ученикот ќе може да работи како Преработувач на жито/Мелничар, Производител на кондиторски производи/Кондитор, Преработувач на овошје и зеленчук, Производител на безалкохолни и алкохолни пијалаци, Производител на пиво и оцет, Производител на шеќер, Производител на квасец и етанол, Преработувач на кафе, чаеви и додатоци на јадења, Производител на млеко и млечни производи, Преработувач на месо и месни производи, Изработувач на леб и бели печива, Оператор за микробиолошки и санитарни анализи, Контролор на квалитет на производи и материјали, Хемиски процесен оператор, Ракувач со машини за амбалажирање, пакување и етикетирање, но и на работни места во индустриско производство, лаборатории, занаетчиство и во трговијата со храна.
Прехранбената индустрија како сектор се занимава со производство на квалитетна храна за задоволување на потребите на потрошувачите, се развива кон создавање функционални производи кај кои се комбинираат нутриционистички и фармацевтски карактеристики.
Хемиски лабораториски техничар
Хемиски лабораториски техничар
Извршува лична подготовка и подготовка на работното место со примена на прописи и стандарди на работно место; изведува сензорска и квалитативна анализа на примерокот (вода, воздух, почва, суровини и полупроизводи, готови производи од прехранбена, неорганска и органска индустрија); изведува квантитативна анализа на примерокот, врши едноставни рутински работи на терен и во производните процеси; пресметува и обработува податоци добиени од извршените хемиски испитувања. Со стекнување на квалификацијата, ученикот ќе може да работи на оперативни работи во хемиска лабораторија како Контролор на отпад и опасни материи, Контролор на емисија на гасови од стационарни извори, Контролор на квалитет на производи и материјали, Оператор за хемиски анализи, Контролор на квалитет на вода, Хемиски-процесен оператор, како и на други работни места од областа во трговски друштва кои се занимаваат со преработка и производство на прехранбени производи, лекови, земјоделски хемиски средства, козметички средства, хартија, горива, детергенти и слично, физички и правни лица кои се занимаваат со научно-истражувачка дејност, хемиски лаборатории.
Kликнете овде за да се запознаете со струката Хемија и технологија
Компјутерска техника и автоматика
Електротехничар за компјутерска техника и автоматика врши интервенции од електротехничка природа на ИТ опрема и автоматизирани процеси; програмира компјутерски системи и автоматизирани процеси со примена на програмски јазици; самостојно работи со бази на податоци; инсталира, одржува и сервисира компјутери, компјутерски мрежи и периферна компјутерска опрема; работи со интелигентни системи и роботи; извршува интервенции при визуелна и програмска изведба на веб-страници и применува стандарди при работа со компјутерска технологија и др.
Со стекнување на квалификацијатa, ученикот ќе може да работи во различни работни средини како што се: ИКТ индустријата, компјутерски мрежи, интелигентни и роботски системи, веб-дизајн, производство, пренос и дистрибуција на електрична енергија, осветлување на отворени и затворени површини, автоматизирани индустриски погони, станбени објекти, установи за јавни услуги, медиуми, установи за туризам, угостителство, образование, наука, здравство, земјоделие и др., како и да развива сопствен бизнис.
Исто така, ќе може да извршува работни задачи како:
Техничар за роботика и интелигентни системи;
Оператор на бази на податоци;
Техничар за процесна автоматика;
Техничар електроничар за компјутери;
Техничар за компјутерски системи и мрежи;
Веб – техничар и Техничар на информатичко комуникациски технологии (ИКТ) за поддршка на корисници и на други работни места согласно квалификацијата.
Образовен профил електротехничар-енергетичар
Електроенергетиката како дел од електротехниката се занимава со проучување на електроенергетски системи во чиј состав се третираат постројките за производство на електрична енергија, системите за пренос на електрична енергија (електропреносен систем), разводните постројки, системите за дистрибуција на електрична енергија (електродистрибутивни системи) и потрошувачите на електрична енергија.
Образовниот профил Електротехничар-енергетичар може да работи во различни работни средини како што се: производство, пренос и дистрибуција на електрична енергија, осветлување на отворени и затворени површини, индустриски погони, станбени објекти, установи за јавни услуги, сервиси за куќни апарати, медиуми, установи за туризам, угостителство, образование, наука, здравство, земјоделие и др., како и да развива сопствен бизнис. Исто така, ќе може да извршува работни задачи како: Електротехничар за електрични инсталации и осветлување; Електротехничар за комуникации, мерења и управување во електроенергетиката; Електротехничар за производство, пренос и дистрибуција на електрична енергија; Оператор на електрични машини и електромоторни погони и Оператор на електрични апарати и уреди за домаќинство и погон и на други работни места, согласно со квалификацијата.
Открива дефекти и врши интервенции од електрична и не електрична природа на електрични инсталации и осветлување, контролира и анализира параметри и податоци добиени од мерни инструменти заради управување и регулирање во електроенергетиката, управува, контролира и одржува електрични централи, електроенергетски постројки и електромоторни погони, изведува операции на високонапонски и нисконапонски електроенергетски мрежи, сервисира, одржува и поправа куќни апарати и уреди.
Како училиште имаме одговорност да ги насочиме, инспирираме и поттикнеме нашите ученици.
Кога се наоѓате на крстопат за да изберете средно училиште, ви препорачуваме да видите што имаме да понудиме и да земете предвид дека нашата цел е да ви помогнеме да се соочите со современиот свет и со неговите барања.
Како училиште насочено кон семејството, сметаме дека учениците и нивните семејства се дел од училиштето, дел од заедницата и се стремиме да го дадеме само она што е најдобро за нив.
Знаењето и вештините со кои ќе се стекнат учениците во СОУ „Св Кирил и Методиј”- Неготино и нашата посветеност за нивниот професионален развој, ќе им овозможат остварување на сите замисли за сопствената професионална иднина.
Гимназиско образование со француска билингвална паралелка
** Гимназиско образование со француска билингвална паралелка **
Оваа паралелка е дел од гимназиското образование кадешто се присутни сите 4 подрачја. Наставната програма како и условите за запишување во оваа паралелка се исти како и кај гимназиското образование. Учениците од француските паралелки ги следат потполно истите предмети како и другите ученици од гимназиското образование но главниот акцент е ставен на изучувањето на францускиот јазик со 5 часа неделно.
На крајот од гимназиското образование учениците се стекнуваа со Диплома за гимназиско образование со назнака Двојазична билингвална настава и со акредитиран доживотен меѓународен сертификат за познавање на францускиот јазик од нивоа А1 до Б2.
На крајот од четвртата година, учениците од француските паралелки имаат можност или да се запишаат на било кој факултет на еден од нашите универзитети или бесплатно да аплицираат за продолжување на нивното образование на еден од државните француски универзитети. Потоа, во зависност од нивните оценки, можат да аплицираат и за добивање на стипендија за Мастер студии од страна на Францускиот институт од Скопје.
Учениците од овие паралелки имаат можност да присуствуваат на различни културни и педагошки активности организирани од училиштето или од Францускиот инстиут во Скопје. Исто така, учениците имаат можност да остварат школски патувања со 3-те француски партнерски училишта. Школските размени се предвидени да се реализираат во текот на секоја учебна година.
