СОУ„Св.Кирил и Методиј“ – Неготино

Почитувани родители/старатели,

Би сакале да ве информираме дека училиштето постапува според протоколите и мерките за заштита од Covid-19 и затоа е потребно ваша соработка со цел да се придржуваме сите заеднички до насоките утврдени во протоколот за реализација на настава со физичко присуство (за учениците од III и IV година кои реализираат практична обука со физичко присуство) и да постапуваме според „АЛГОРИТАМ ЗА ПОСТАПУВАЊЕ ВО УЧИЛИШТАТА ВО СЛУЧАЈ НА ПОЈАВА НА УЧЕНИК СО СИМПТОМИ, СОМНИТЕЛЕН/ПОЗИТИВЕН НА КОВИД-19„

• ПОСТАПКА ПРИ ПОЈАВА НА ДЕТЕ СО СИМПТОМИ, СОМНИТЕЛНО НА КОВИД-19

Доколку одреден ученик,  развие покачена телесна температура над 37,5 С° во домашни услови и има симптоми карактеристични на КОВИД-19 (малаксалост, кашлица, отежнато дишење, пролив, повраќање и др.) потребно е родителот/старателот да го извести класниот раководител со цел понатамошно постапување.  (контакт со епидемиолошката служба во надлежниот Центар за јавно здравје и со матичниот доктор/педијатар на ученикот).  Во координација меѓу епидемиологот од епидемиолошката служба на надлежниот ЦЈЗ, матичниот лекар/педијатар и родителот/старателот на детето се одлучува за понатамошната дијагноза/тестирање/третман на ученикот. Епидемиологот од надлежниот ЦЈЗ прави епидемиолошка проценка на ризик за можноста од проширување на инфекцијата.

•  ПОСТАПКА ПРИ ПОЈАВА НА УЧЕНИК ПОЗИТИВЕН НА КОВИД-19
  Епидемиологот од надлежниот ЦЈЗ/матичниот лекар на ученикот ги известува родителите/старателите и назначеното одговорно лице во училиштето за позитивниот резултат на ученикот (по што е потребно родителите да стапат во контакт со класниот раководител). Центарот за јавно здравје го известува Институтот за јавно здравје за позитивниот резултат на ученикот со цел превземање на понатамошни епидемиолошки мерки за спречување на ширење на инфекцијата.

Јавното здравје е заедничка одговорност!

К О Н К У Р С

за ученици од основното и средното образование по повод

Светскиот ден на штедењето ‒ 31 октомври

*Тема и услови на конкурсот за учениците од средно образование

 Учениците од средното образование може да учествуваат на конкурсот со испраќање литературна творба ‒ есеј на тема:

„Штедењето во добри времиња наспроти неизвесноста на иднината“

Есејот треба да има најмногу 1.800 зборови и да содржи личен поглед кон улогата на штедењето, со осврт на некои од следниве прашања: улогата на штедењето во економијата, значењето на штедењето за иднината, улогата на заштедите во совладувањето кризни ситуации, ставот кон штедењето на младата популација, семејните навики и штедењето, класичните наспроти современите форми на штедење, познавањата на младите за штедењето во финансиските институции, ставот на младите во однос на потребите за финансиска едукација и други аспекти.

За избраните 3 најдобри творби на учениците од средното образование ќе им биде доделена парична награда во износ од по 6.000,00 денари со исплата на паричната награда на трансакциска сметка во банка во Република Северна Македонија, по нивен избор.

Крајниот рок за доставување на творбите е 20 октомври 2020 година.

Заеднички услови коишто важат за учениците од основното и средното образование:

Со цел да се заштити работата на учениците, Ве молиме потпишете ги Вашите творби, со тоа што задолжително треба да се наведат следниве информации:

Начин на достава на творбите:

Сите творби (цртеж, песна, расказ и есеј) може да се достават директно во Архивата на Народната банка или преку пошта. Литературните творби (песна, расказ и есеј), како и ликовната творба (исклучиво цртеж изработен на дигитален уред) може да се достават по електронски пат на следнава електронска адреса: tvorbi@nbrm.mk 

Адреса за достава преку пошта со назнака:

„За конкурс по повод Светскиот ден на штедењето – 31 октомври“
НАРОДНА БАНКА НА РЕПУБЛИКА СЕВЕРНА МАКЕДОНИЈА
бул. „Кузман Јосифовски-Питу“ бр. 1, 1000 Скопје

Пристигнатите творби ќе ги разгледуваат и ќе ги оценуваат жири-комисии формирани од претставници на Народната банка на Република Северна Македонија и Министерството за финансии на Република Северна Македонија.

Списокот на наградените ученици ќе биде објавен најдоцна до 31 октомври 2020 година, на интернет-страниците на Народната банка http://nbrm.mk/ и Министерството за финансии http://finance.gov.mk/.

За подетални информации може да се обратите преку електронската пошта на Народната банка: tvorbi@nbrm.mk и електронската пошта на Министерството за финансии: finance@finance.gov.mk.

Линк до К О Н К У Р С за ученици од основното и средното образование по повод Светскиот ден на штедењето ‒ 31 октомври:

http://www.nbrm.mk/ns-newsarticle-konkurs-za-ucenici-od-osnovnoto-i-srednoto-obrazovanie-po-povod-svetskiot-den-na-stedeneto-%E2%80%92-31-oktomvri-29092020.nspx

Елена Тимова и Јована Анѓелковска, ученичките коишто беа дел од тренингот за тренери на тема “Медиумска писменост”, одржаа три работилници на пеесетина ученици од прва до четврта година. Тие се обидоја да ги поттикнат своите соученици да бидат повеќе медиусми писмени. Дел од работилницата беше наменета за тоа како да се препознае една лажна вест, какви ефекти може да имаат медиумите врз нас и кои прашања треба да ги имаме на ум кога читаме една вест. Истата се заврши со практична вежба користејќи ја познатата реклама на брендот за газирани сокови “Пепси”.

РАСПОРЕД ЗА НАСТАВА 

(со важност од 13.10.2020 година)

I и III-РАСПОРЕД ЗА НАСТАВА 2020-2021

II и IV-РАСПОРЕД ЗА НАСТАВА 2020-2021

 Наставата за учебната 2020/2021 година ќе се одвива по следниот временски распоред:

                ПРВА СМЕНА                 ВТОРА СМЕНА
1 час      07.30-08.05                   13.00-13.35
2 час     08.10-08.45                    13.40-14.15
3 час     09.00-09.35                   14.30-15.05
4 час     09.40-10.15                     15.10-15.45
5 час     10.20-10.55                     15.50-16.25
6 час     11.00-11.35                       16.30-17.05
7 час     11.40-12.15                        17.10-17.45

Почитувани,
Поттикнати од некои неодговорни објави пред се на социјалните мрежи, ве информираме дека во однос на објавената вест во еден од медиумите  во однос на момчето на возраст од 16 години од Неготино кое е позитивно на корона вирус, според информациите од Центар за јавно здравје Кавадарци потврдено е дека истото е ученик во нашето училиште СОУ„Св.Кирил и Методиј“ – Неготино. Меѓутоа, пред објавување на информацијата во медиумот не се контактирани лицата кои се наведени во веста со цел утврдување на фактите и податоците и затоа чувствуваме етичка и морална одговорност да ве информираме дека по направените анализи и воспоставени контакти со класниот раководител и вработените во однос со активностите поврзани со дистрибуирање на податоците за корисничко име за најава на онлајн платформата е утврдено дека ученикот ги добил потребните информации за најава и користење на националната платформата за учење на далечина по електронски пат од страна на класниот раководител и истиот не бил присутен во просториите на училишниот објект.

Нашето училиште и сите вработени му посакувааат на ученикот побрзо оздравување!

Почитувани ученици и родители,

Учебната година започнува утре на 01.10.2020 година, онлајн според насоките и упатствата објавени на schools.mk за пристап на учениците. Утре на 01 Октомври наставата ќе се започне со одделенски час за сите ученици.

Им посакуваме успешен почеток на сите ученици и наставници.

Тестирањето на функционалноста за онлајн часови се пренасочува од Платформата, директно кон порталот на Microsoft.

Детално упатство за чекорите за пристап, најава и креирање на онлајн час на Microsoft Teams на македонски и на албански јазик. може да ја сименете од https://schools.mk/