СОУ„Св.Кирил и Методиј“ – Неготино

Денеска со пригодна програма подготвена од нашите ученици, под менторство на проф. Сузана Стоева и проф. Јонче Ангелов ги пречекавме бројните гости од Општина Неготино, предводени од градоначалникот д-р Горан Стојанов, претставници од бизнис секторот, соработници, родители, претставници од основните училишта и сегашни и пензионирани наши професори. Пред присутните се обрати и директорот на СОУ ,,Св. Кирил и Методиј” – Неготино, Ѓорѓи Ристов, кој упати порака за соработка.
Во рамки на патронатот се промовираше и им се подели на присутните и нашиот училиштен весник ,,Младина”, дело на нашите ученици, под менторство на проф. Маја Којчева – Величкова.

Наши почитувани читатели, и годинава во чест на нашиот патронен празник ви го претставуваме нашиот училиштен весник ,,Младина”, со нов поднаслов – Насочени кон врвот.Весникот го подготвија учениците од новинарската секција при СОУ ,,Св. Кирил и Методиј” – Неготино под менторство на професорката Маја Којчева – Величкова.

https://www.flipsnack.com/68FFB8BBDC9/–cjiq11o02v/full-view.html

 

Драги матуранти,

Овој матурски ден го означува крајот на вашето образование овде и почетокот на едно ново поглавје. Го следевме вашиот раст, бевме сведоци на вашата посветеност и ги прославувавме заеднички вашите достигнувања.

Додека одите напред, запомнете ги вредностите што сте ги научиле, негувајте ги вашите пријателства и прифатете ги можностите што ви претстојат. Секогаш прифатете го непознатото со отворени срца, знаејќи дека сте подготвени за секој предизвик што ќе ви се појави. Се наоѓате на работ на неограничени можности, вооружени со знаењето и вештините што ги стекнавте. Ваше време е да блеснете, да ги исполнете вашите соништа.

Честитки, матуранти!?‍??‍?

Ви посакуваат сите вработени од
СОУ “Св.Кирил и Методиј”

Денес градскиот плоштад пулсираше во ритамот на традиционалната манифестација Матурски бал – 2023 година. 60-тина матуранти од СОУ„Св. Кирил и Методиј“ го одиграа матурскиот бал заедно со своите врсници од повеќе градови од Република Македонија.

Ви го честитаме матурирањето наши драги матуранти со желби за добро здравје и среќа во животот, како и успех на личен и професионален план.

Новинарите од Телевизија Страшо Пинџур (ОУ”Страшо Пинџур” -Неготино) заедно со нашите колеги ви ги претставуваат образовните можности кои ги нуди нашето училиште.

Минатата недела во Велес, наши ученици од профилот Хемиски лабораториски техничар од I, II, III и IV год. земаа учество во дводневната работилница “Био-технологија во мојот свет – Програма за искуствено учење” во рамките на програмата “Bio-hack my world” спроведена во соработка со UNICEF, UNDP и ЦСОО. Обуката беше реализирана од универзитетски професори од Технолошко-металуршки факултет, Земјоделско-шумарски факултет и Економски факултет, а како ментори на работилницата и на учениците беа проф. Елена Илиевска Честојнов и проф. Думеника Јанева кои претходно учествуваа на ваква работилница. На обуката учениците имаа можност да изведуваат интересни експерименти каде преку употреба на био отпад се добива производ кој може да најде примена во нашето секојдневие, а воедно со тоа и да се зачува животната средина.

 

За време на отворените денови на училиштето имавме прекрасна можност да се дружиме со идните средношколци кои можеа да се информираат за можностите кои ги нуди нашето училиште и стручните профили во три струки:

? гимназиско образование,
?електротехничка струка и
? хемиско-технолошка струка.

Отворените денови се супер можност идните ученици и родители да остварат непосредна комуникација со наставниот кадар и педагошко-психолошката служба во училиштето и директно да се запознаат со различните активности, наставните планови и програми, како и со условите за работа во училиштето.

СОУ ,,Св. Кирил и Методиј“ – Неготино ви нуди можност да изберете современи наставни профили за продолжување на вашето образование и успешна иднина.
Благодарност до учениците од основните училишта кои нѐ посетија и ни го збогатија настанот.

Се надаваме учениците ќе се пронајдат во понудените профили и подрачја и ќе ни се придружат од наредната учебна година.

Благодарност и до Euronickel Industries, Технички Институт Македонија, Корона и Дрекслмајер кои земаа активно учество на настанот како наши соработници за реализација на практичната настава.

Не заборавајте дека избирајќи го СОУ ,,Св. Кирил и Методиј” – Неготино, избирате безбедна училишна средина со современа настава и можност да ја изразите вашата креативност!

Сите информации поврзани со уписот на ученици во прва година за учебната 2023/24 може да ги најдете на следниов линк: http://kirilimetodij.edu.mk/настава/упис/

Ве очекуваме!