СОУ„Св.Кирил и Методиј“ – Неготино – Страница 3

март 13, 2024

ПРВО МЕСТО НА ДРЖАВЕН НАТПРЕВАР ПО ФИЛОЗОФИЈА

Повторно горди на своите ученици! На Државниот натпревар по филозофија, што се одржа на Филозофски факултет во Скопје на 09.03.2024 год(сабота), нашите ученици под менторство на професор Даниела Гражданлиева постигнаа голем успех со тоа што го освоија првото место:

Андреа Јовановска IV 5

Марија Пенкова IV 3

Учениците се стекнаа со право да учествуваат на македонскиот натпревар за Меѓународната филозофска олимпијада. Честитки за постигнатиот успех и им посакуваме успех на престојната Филозофска олимпијада!

март 11, 2024

Видео приказна од медиумскиот клуб ,,Младина”

Медиумскиот клуб ,,Младина” при СОУ ,,Св. Кирил и Методиј” – Неготино изработи видео-приказна за мисијата на организацијата ,,Донирај компјутер”. Нивната дејност полна со хуманост и соработка беше инспирација за нашите членови: Кирил Димитров, Ристе Димов, Марија Богоевска, Розалија Станкова и Весна Јаневска да ја создадат оваа видео-сторија што ја нарековме ,,Еден ден во донирај компјутер”. Видео-приказната беше создадена под менторство на проф. Маја Којчева – Величкова, координатор на медиумскиот клуб. Нашиот клуб е еден од десете училиштни клубови од средното образование што се дел од проектот на УСАИД – ,,Младите размислуваат”.

февруари 1, 2024февруари 1, 2024

Oпштински натпревар по Биологија

Честитки за постигнатите резултати и вложениот труд на нашите ученици за одржаниот општински натпревар по Биологија. Одржан на 26.01.2024 година во рамките на Македонското Биолошко Друштво.

Ученици:

1. Ивана Тимова II2 (трето место)

2. Ангела Лазова II1 (пофалница)

3. Петар Захарчев II4 (пофалница)

Ментор: Зорица Стојановска

1. Кирил Димитров III4 (второ место)

2. Филип Ѓорѓиев III3 (трето место)

3. Дарко Ѓорѓивски III4 (трето место)

4. Миријана Недева I4 (пофалница)

Ментор: Валентина Манчева

јануари 21, 2024јануари 21, 2024

Почеток на второто полугодие од учебната 2023/24 година

декември 28, 2023

Денес во нашето училиште беше оддржана презентација од страна на претставници на МВР и Здравствен дом – Неготино за Повреди од пиротехнички материјали за учениците од I и II година.На презентацијата беше нагласено за штетноста по здравјето од употребата на пиротехнички материјали и казнивоста за истите.

Нова година е веќе на прагот, а со неа и можноста некој да остане без прсти, без око или со изгореници, а причината е користење на пиротехнички средства, особено петарди. Најголем број од жртвите се деца и тинејџери. Заради едуцирање на учениците, беше спроведено ова едукативно предавање со цел да се погрижиме заеднички да ја дочекаме Новата година среќни во мир и благосостојба, без користење на пиротехнички средства.

декември 28, 2023февруари 1, 2024

На 07.12.2023 година во нашето училиште за учениците од III и IV години беше одржана презентација за Промовирање на воената обврска од страна на вработени во касарната Криволак.

декември 19, 2023

Освоено 3-то место на Републички натпревар по француски јазик во спелување за II година.
Браво за нашата ученичка Маријана Николова која го освои третото место, како и за Христина Недева 7️⃣ и Нина Мечева 8️⃣место.
Сите се дел од билингвалната II4.

Ментор: Драган Трпковски

декември 4, 2023

Благодарение на Францускиот Институт од Скопје, професорите Драган Трпковски и Тони Јаневски кои се дел од тимот професори кои предаваат во двојазичните паралелки, остварија работна посета на ректоратот од академскиот регион Оверња-Рона-Алпи и на средното училиште од градот Беле.
Целта на посетата беше запознавање на менаџерскиот тим од партнерското француско училиште како и можноста за започнување на проект за школски размени од Еразмус+.
Двете страни се согласија соработката да се продлабочи со започнување на ателјеа помеѓу нашите и француските ученици.
Првата посета на француското училиште е предвидена за периодот мај 2024.

ноември 12, 2023

НОВИНАРСКИ КЛУБ
СОУ ,,Св. Кирил и Методиј“ – Неготино е едно од десетте средни училишта кои станаа дел од проектот на USAID и IREX со наслов ,,Младите размислуваат“.
Проектот го спроведуваат Младинскиот образовен форум и Македонскиот институт за медиуми и има за цел унапредување на медиумската писменост кај учениците од основните и средните училишта.
Во рамките на проектот младите ќе ги изучуваат новинарските и медиумските вештини.
Координатор на проектот е проф. Маја Којчева – Величкова.

ноември 11, 2023ноември 11, 2023

Свечена програма во чест на ТX-фондацијата по повод извршената реконструкција на училишната зграда

Денес во нашето училиште беше одржана свечена програма во чест на ТX-фондацијата по повод извршената реконструкција на училишната зграда (кровна реконструкција, менување прозорци и молерски работи).

Врз основа на потпишаниот меморандум за соработка помеѓу општина Неготино и добротворната фондација Тиекс за реновирање на зградата на училиштето и подобрување на условите за одвивање на образовно-воспитниот процес, во изминатиот период се одвиваа градежни активности.Се извршија поправки и изолација на централниот покрив на училиштето, поставување на галериски прозорци и поправка и молерисување на ѕидовите.

Благодарност до донаторот!

Вашиот хуман гест и благородно срце го направија нашето училиште вистински дом за нашите ученици.